இயற்கை ஒன்றுதான் அனைவருக்கும் !

கோடியிரண்டு கொட்டி,

உலங்கூர்தி வாங்கி,

இமயம் மேலேறி,

உச்சியில் நடுங்கி,

பெருமிதத்தோடு நின்று அவன் சொன்னதும்,

தெருக்கோடியில்

ஒதுங்க இடமில்லாமல்,

அரைவயிற்றிற்கும் வழியில்லாமல்,

தார்ரோட்டில் படுத்து சொன்னதும்,

"எவ்வளவு அழகு இந்த வான்மேகம்" !

இயற்கை ஒன்றுதான் அனைவருக்கும்

மனிதன் தான் அதனை மறக்கிறோம்

மிருகமாய் வாழ்கிறோம் !