வலியின் உச்சியில் இருக்கிறேன் !

வலியின் உச்சியில் இருக்கிறேன்,

நான்

உயிர் விடும் நிலையில் இருக்கிறேன் ...

கத்திக்கதறி அழ இடமில்லாமல், மண்டையோட்டுக்குள்ளேயே

புரண்டு புரண்டு புலம்பித்தள்ளுகிறேன் !

என் பக்க நியாயம்

எடுத்துரைக்க ஆளில்லாமல்

அனாதையாய் உளறுகிறேன் !

என் மனம்படும்பாட்டை

உணரமுடியாத உலகத்தில் நான்

உயிரிருந்தும் இல்லாமல் உலவுகிறேன் !

கடந்தப்பிறவி பலன்தானோ

என்னை இப்படி கட்டிப்போட்டு அடிக்கிறது ?

அப்பப்பா இதற்குமேல்

என்னால் எதுவும் முடியாது

என்ற நிலையில் இன்று நான் !

இருந்தும் - அடுத்த பிறவியாவது

வாழ்க்கை வாழ்க்கையாக இருக்க

இந்தப்பிறவியில்

புண்ணியம்

செதுக்கப்போகிறேன்

என் பிறவி கணக்கில்!

இதற்காகவாவது,

வாழ்க்கை வாழ்ந்தேயாகவேண்டும் ... !

வலியின் உச்சியில் இருந்தாலும்,

வலியைப்பழகி,

வாழ்க்கை வாழ்ந்தேயாகவேண்டும் ... !

-ஸ்ரீதனா