பண்டம் மாற்றுவோம் !

பண்டம் மாற்றுவோம்

நம்பி மாற்றுவோம்...

தரமான பண்டத்திற்கு

நிகரான பண்டமாற்றுவோம்...

மதிப்பை அறிந்து மதிப்பிடுவோம்

மதிப்பிற்கேற்ற மதிப்பளிப்போம்...

இருக்கட்டும் இருக்கட்டும்

சிறிது லாபம் - அனைத்தையும்

தலைமைத்தாங்கட்டும் மனிதநேயம் !

வறுமை வாட்டி வதைக்கையிலும்,

மாற்ற உடைமை இல்லாவிடினும்,

பண்டம் மாற்றி மகிழ்வோம்

மனிதம் போற்றி புகழ்வோம்

செழிப்பாய் வாழ்ந்திட அல்ல

உயிரோடு மனிதர் வாழ்ந்திட !